به‌‌ بیرت دێ

کاتێ ووتم
نه‌ من سێبه‌رو نه‌ تۆیش تۆ
نه‌تۆ سێبه‌ر ، نه‌ منیش من ؟
ته‌نها ئه‌وین
په‌یامی هێمنیی من بوو
ته‌نها به‌هه‌شت و په‌پووله‌
گوڵ و به‌هار
جوانی و خۆشیی
هه‌ست و نه‌ست و ووشه‌ی من بوون
ئه‌ی ئێستاکه‌ بۆ واده‌که‌یت ؟
بۆ ده‌ته‌وێ ئه‌م ژیانه‌ بێماناکه‌یت ؟
بۆ ده‌ته‌وێ ئێوارانی ماڵی دڵت
بێ گوڵ و هه‌ست و چرا که‌یت ؟
بێمنه‌تم
له‌وه‌ی ئه‌گه‌ر به‌جێم بێڵیت
من ناترسم
که‌ دوا ماڵئاوایی ده‌که‌یت
شتێ ناڵێم
که‌ غه‌ر له‌ مۆمی عه‌شق ده‌‌که‌یت

دڵت شکاندم

ئه‌وه‌ باش بزانه‌
من هه‌ر کوڕه‌که‌ی جارانم
هه‌ر هێمنه‌ بزێوه‌که‌ی
نێو کاروانی دڵدارانم
بۆیه‌ ئێستایش
له‌به‌ر چاوی ئه‌م جیهانه‌
دوا ئه‌رکی خۆم به‌جێ دێنم
دوا شانسی خۆمت ده‌ده‌مێ
دڵی خۆمت بۆ ده‌ردێنم
ئیتر ئه‌ تۆیش ده‌ی سووتێنی
یان به‌ چه‌قۆ ووردی ده‌که‌یت
ده‌یده‌یه‌ سه‌گێکی برسی
یان به‌جارێ
به‌بێ ڕه‌حم ده‌یشکێنی
یان ئه‌وه‌تا له‌سه‌ر سینگت
له‌گه‌ڵ دڵت
له‌و شوێنه‌ی زۆر حه‌زم لێیه‌ ده‌یخه‌وێنی
به‌ڵام ئیتر دڵنیابه‌
گه‌ر ئه‌م جاره‌ دڵم شکا
ئه‌مه‌ دوایین نامه‌ی منه‌ که‌ بۆ تۆبێ

دادی نادات

ده‌رگای چاوم قووفڵ بده‌م
تابه كوێری دوا سه‌فه‌ر بکه‌م
ڕه نگه وا بكه م
تا ببمه ده‌رویشی چرایه‌ك
په‌پووله ئاسا
له‌ژوانی مۆمێك دا شه‌هید بكریم
ئاخ له‌بڕیار
لێواری زمانم به‌ر نادات
چۆن ده‌زانێ
گه‌ر له لێواری لێوو ترازا
نه‌ته‌ووبه و نه‌په‌شیمانی
دادی نادات

بێ ‌وه‌فا

دڵی خۆت پێشکه‌ش کردم که‌چی خۆشت لێت سه‌ندمه‌وه‌
مادام نازانی خۆشه‌ویستی مانای چی‌یه‌،
بۆ پێت وتم خۆشم ده‌وێیت
بڕۆ لێم دووربه‌ بێ‌وه‌فا
ئه‌م خۆشه‌ویستی‌یه‌ پاکه‌ تاکه‌ی دڵشکاندنی تێدا بێت
هه‌ی بێ‌وه‌فا

تۆ

ئه‌و کــاتـــانه‌ی تــۆ  ده‌بینــم  دڵــم ئـــارام  ده‌بێتــه‌وه‌
من حه‌زده‌که‌م وه‌کو مۆمـێ بۆ ڕونــاکیت بتویێمــه‌وه‌
هێنده‌ تامه‌زرۆی بینینتــم به‌سه‌ر سه‌می لێت ده‌ڕوانم
حـه‌ز  ناکه‌م ئالـــه ‌و کاتـــه‌دا چاوه‌کـــه‌نــم بترو کێنم
بؤ ئـه‌وه‌ی تؤش باش بـــزانی خۆشم ده‌وێ له‌ ناخه‌وه‌
بۆیه‌ حه‌زناکه‌م هه‌نگاوێ له‌تۆی یازیز دور که‌ومه‌وه‌

له‌ یادت ناکه‌م

له‌ هه‌ر لایه‌ک هه‌ورت بینی
خؤشه‌ویستم چاوی منه‌ پڕ فرمێسکه
و به‌دوای تؤدابه‌ ئاسمانا وێڵ و وونه
‌ئه‌گه‌ر بۆ که‌یفی خۆت
ڕۆژی له‌ ماڵ ده‌رچووی
چووی بۆ گه‌ڕان
منت هه‌رگیز له‌ یاد نه‌بوو
گه‌ڕای له‌ ناوگوڵ و گوڵزار
ئه‌گه‌ر بینیت له‌ په‌نایه‌ک
گوڵی بێ ئاو هه‌ڵوه‌ری بوو
ئاگات لێ بێیت دڵی منه‌
عه‌ شقی تؤ چه‌رگی بڕیبوو
ئه‌گه‌ر بینیت ڕؤژئ دووکه‌ڵ
سه‌رانسه‌ر دونیای گرت بوو
بزانه‌ که‌ عه‌شقی منه‌
له‌ دوای تۆ گڕی گرتبو
ئه‌گه‌ر ڕؤژی خه‌مت تووش بوو
ئه‌و تینی خه‌می منه‌
ئه‌وسا ده‌زانی کئ دؤستته‌و
کێ بۆ تۆ وێنه‌ی دووژمنه‌
چاک بزانه‌ تاکو مردن
ئه‌م دڵه‌ی من شێتی تؤێه‌
بؤبینینی چاوه‌کانت
ئه‌م دڵه‌ی من ڕه‌نجه‌ڕۆیه‌
هیوادارم ڕؤژی دابێ تۆ بییته‌وه‌
بۆ جه‌ند ساتێ
ئه‌م دڵه‌ی منیش له‌ گه‌ڵتا
بۆ خۆی بگات به‌ ئاواتێ

دووری تۆ

ئه‌گه‌ر بمزانیدایه‌ خۆشــه‌ویستی ئـــه‌وه‌نــــده‌ گــــرانــــه‌
هه‌رگیز به‌سه‌ر شاخی خۆشه‌ویستی تۆدا‌ هه‌ڵ نه‌ده‌گـــه‌ڕام
ئه‌گه‌ر ده‌مزانی ڕێگای خۆشه‌ویستی تۆ ئه‌وه‌نده‌ دوور و درێژه‌
هه‌رگیز نه‌ده‌بووم بــــه‌ ڕێبواری ئه‌م ڕێگــــــــــایه‌
به‌ڵێ ئه‌گه‌ر تۆ نه‌بویتایه ......‌
چاوانی من شه‌وانه‌ و ڕۆژانه‌ فرمێسکیان بۆ تابلۆ بێڕه‌نگه‌کانی تۆ نه‌ده‌ڕژاند
مـــن هـــه‌رگیز تازه‌ له‌ناو ده‌ریای ئــــه‌شقـــــی تۆدا ڕزگـــارم نـــابــێ
چــــونکه‌ مـــن لـــه‌ناو هـــه‌ستی ئـــــه‌شقێکــــی بێنــاو نیشــــاندا ده‌ژیم
ئــاخر ئه‌زیزه‌که‌م من تاکه‌ی چاوانم له‌ڕێگه‌ی دووریه‌کـــه‌ی تۆدا بڕوانێ

به‌ڵێن ده‌ده‌م

گه‌رچی گوڵم تۆ لێـم دووریت
بێگومان به‌ خۆشم ده‌وێیت
ڕۆحم قوربانی ڕۆحت بێت
دڵم قوربانی دڵت
به‌ڵێن ده‌ده‌م ...
دڵ به‌ که‌سی تر خۆش ناکه‌م
چونکه‌ گیانه‌ واهه‌ست ده‌که‌م
ژیانم به‌بێ تۆ تاڵه‌
به‌ڵێ سه‌خته‌ و هه‌م مه‌حاڵه‌
چۆن مۆم هه‌روا گڕی ئه‌م ئه‌شقه‌ی تۆش
به‌ ناو ناخ و دڵ و ژینم پاڵ ده‌کێشێ
بۆیه‌ ده‌ڵێم بێ دوودڵی
خۆشم ده‌وێی هه‌تا مردن
خۆشم ده‌وێی ڕووناکی هه‌ردووچاوم

دووری تۆ

به‌رگه‌ی دووریت ناگرم گیانه‌
له‌وه‌ زیاتر دڵم شه‌یدای دۆزه‌خ مه‌که‌
تۆم تا ڕاده‌ی خۆشه‌ویستی خۆش ده‌وێت
له‌دووری که‌وتووم که‌ کونجی ژووره‌ تاریکه‌که‌م
ته‌نها یادگاریه‌کانت شک ده‌به‌م بۆ خۆشی دڵم
له‌جوانی ئێوارانمدا مانگ شه‌رم ده‌کات بدره‌وشێته‌وه‌ به‌رامبه‌ر ڕوخسارت
ئه‌خر من چیبکه‌م دوورم لێت
وه‌ک جاران ناتوانم وشاکانم له‌گه‌ل له‌گه‌ڵ په‌نجه‌ ناسکه‌کانی بای شه‌ماڵی ئێواران
به‌روخسارتی ئاشنا بکه‌م
ده‌سا به‌سه‌ ئه‌م دووری‌یه‌
دڵم به‌رگه‌ی مه‌رگح ئه‌شق ناگرێ
ئه‌گه‌ر تۆ به‌ فرمێسکه‌کانی من ئه‌گه‌ڕایته‌وه‌
ئه‌وا من ئه‌مام